Rakvélablöð

  Þeir sem fara inn í verslanir Lyfju verða áþreifanlega varir við gríðarlega hátt verð á öllum smávörum sem þar er að finna. Hvernig er hægt að borga vel á annað þúsund króna fyrir fjögur rakvélarblöð, mér er það alveg óskiljanlegt? Álagningin er fáránleg á öllum hlutum. Svo kemur í ljós að öryrkjar fá engan afslátt þarna af lausasölulyfjum sem þeir þó þurfa oft að nota í einhverjum mæli. Hvernig má það vera að sum önnur apótek gefa öryrkjum 5 til 10% afslátt og eru einnig með minni álagningu á vörum sínum. Er þetta vegna fákeppni? Kannski!. Þess má geta að Lyf og heilsa er einnig með háa álagningu á sínum vörum og eru rakvélablöðin síst ódýrari þar og þannig er það á fleiri stöðum. Þegar stórar einingar myndast á þessum markaði er ávallt talað um að það sé neitandanum til hagsbóta, en er það raunin? Rimaapótek er með eitt lægsta verðið á öllum vörum og er það þó einkarekið og ekki hluti að stóru keðjunum. Getur einhver útskýrt þetta fyrir mér? Þarf ég að láta mér vaxa skegg?

 

(Ja hér.)


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband